შემადგენლობა:

მინერალური ზეთები, გლიცერინი, ტილოქსაპოლი, პოლოქსამერი 188, ტრিস-ჰიდროქლორიდი, ტრომეტამინი, ცეტალკონიუმის ქლორიდი (კათიონური ნივთიერების სახით), გაწმენდილი წყალი.

კონსერვანტებს არ შეიცავს.

არ წარმოადგენს სამკურნალო საშუალებას.

მახასიათებლები

კათიონორმ® წარმოადგენს სტერილურ, ჰიპოტონურ ოფთალმოლოგიურ ემულსიას თვალისთვის, რძისფერი სითხის სახით, რომელიც არ შეიცავს კონსერვანტებს.

კათიონორმ® განკუთვნილია „მშრალი თვალის“ სიმპტომების შესამსუბუქებლად, როგორიცაა ჩხვლეტის შეგრძნება, ქავილი, წვა ან თვალში უცხო სხეულის შეგრძნება (ქვიშის ან მტვრის შეგრძნება). აღნიშნული სიმპტომები შეიძლება გამოწვეული იყოს გარე ფაქტორებით (მაგალითად, კონდიციონერის გამოყენება, გარემოს დაბინძურება, ავიამგზავრობა, კომპიუტერთან მუშაობა, რეფრაქციული ქირურგია, კონტაქტური ლინზების ტარება და სხვ.) ან ისეთი პათოლოგიებით, როგორიცაა მეიბომის ჯირკვლების დისფუნქცია.

კათიონორმ® ატენიანებს, ამცირებს ხახუნს და იცავს თვალის ზედაპირს.

გამოყენების რეკომენდაციები

კათიონორმ® გამოიყენება თვალში ჩაწვეთებისათვის.

რეკომენდებული დოზირება:

თითოეულ თვალში 1 წვეთი, დღეში 1–4-ჯერ.

კათიონორმ®-ის გამოყენების ინსტრუქცია

• დაიბანეთ ხელები.
• ფლაკონის პირველად გამოყენებისას მოხსენით თავსახურის დამცავი რგოლი, სარქველზე მოქაჩვით.
• ფრთხილად გახსენით ფლაკონი, თავსახურის მოხსნით.
• ფლაკონის კორპუსი მოათავსეთ ცერა და საჩვენებელ თითებს შორის.
• მოერიდეთ ფლაკონის წვერის თითებთან ნებისმიერ შეხებას.
• თავი უკან გადაიწიეთ.
• ფრთხილად ჩამოქაჩეთ ქვედა ქუთუთო და ახედეთ ზემოთ.
• ფლაკონი დაიჭირეთ თვალის ზემოთ და ხელის ზურგით მსუბუქად შეეხეთ შუბლს.
• ფრთხილად გამოწურეთ ერთი წვეთი თვალში და რამდენჯერმე ახამხამეთ.
• არ შეეხოთ ფლაკონის წვერით თვალსა და წამწამებს.
• ყოველი გამოყენების შემდეგ ფლაკონი დახურეთ თავსახურით.

თუ პრეპარატი არ გამოიყენება, შეინახეთ ფლაკონი მუყაოს კოლოფში.

არ გამოიყენოთ კათიონორმ® ფლაკონის პირველი გახსნიდან 3 თვეზე მეტი ხნის განმავლობაში.

ფლაკონის გამოყენება 3 თვეზე მეტი დროის შემდეგ ზრდის ინფიცირების რისკს.

გვერდითი მოვლენები

ძალიან იშვიათ შემთხვევებში შესაძლოა განვითარდეს ხანმოკლე დისკომფორტი, მათ შორის: თვალის გაღიზიანება, ტკივილი თვალში, უცხო სხეულის შეგრძნება, თვალების სიწითლე, ჩხვლეტის შეგრძნება, ცრემლდენა, წვის შეგრძნება, მხედველობის დროებითი დაბინდვა, ქუთუთოების ანთება ან შეშუპება.

აღნიშნული სიმპტომები ასევე შეიძლება წარმოადგენდეს „მშრალი თვალის“ დაავადებისთვის დამახასიათებელ ნიშნებს, რომლებიც დაკავშირებულია პაციენტის არსებულ თვალის ძირითად დაავადებასთან.

განსაკუთრებული მითითებები

არ გამოიყენოთ კათიონორმ® პრეპარატის რომელიმე კომპონენტზე ალერგიის არსებობის შემთხვევაში.

პრეპარატი არ არის განკუთვნილი თვალის სხვა დაავადებების სამკურნალოდ.

ნებისმიერი შეკითხვის შემთხვევაში მიმართეთ თქვენს მკურნალ ექიმს ან ფარმაცევტს.

თუ ერთდროულად იყენებთ სხვა თვალის წვეთებს, თითოეულ პრეპარატს შორის ჩაწვეთების ინტერვალი უნდა იყოს არანაკლებ 5 წუთისა. რეკომენდებულია კათიონორმ®-ის გამოყენება ბოლოს.

ურთიერთქმედება

კათიონორმ® თავსებადია კონტაქტური ლინზების ყველა ტიპთან.

შენახვის პირობები

შეინახეთ 30 °C-მდე ტემპერატურაზე.

შეინახეთ ბავშვებისათვის მიუწვდომელ ადგილზე.

არ გამოიყენოთ დაზიანებული ფლაკონი.

არ გამოიყენოთ ვარგისიანობის ვადის ამოწურვის შემდეგ, რომელიც მითითებულია შეფუთვაზე.